« Aujourd'huy xxix^e jour de juillet, l'an mil cinq cens soixante ung, le roy, estant à Saint-Germain-en-Laye, a permis et octroyé à Claude Le Franc, l'un de ses vallets de pied, que, nonobstant l'ordonnance et deffense faicte et publiée à Paris, de ne plus ediffier ne construire jeuz de paulme, il puisse toutesfois en faire parachever ung, jà encommencé de bastir, scitué hors la porte Sainct-Jacques, en une maison et pourpris appartenant à Estienne Fourbeul, maistre estoeufuier dudit Paris, pourveu toutesfois que, à ce, se soit consenty et consente et accorde ledit Fourbeul. En tesmoing de quov, ledit seigneur m'a commandé luy expédyer ce présent brevet, la royne, sa mère, et le roy de Navarre présens. Laubespine »