Accueil CCFr  >   EADC « Au non du Pere, du Fill et du Saint Esprit. Troi boin frére aloient par une voie et encontrairent Nostre Segnieur Jhesu-Crist, et leur demanda : « Où alés-vous, troy boin frére ? — Nous alons u mont d'Olivet pour ceuillir herbes à faire medechines à warir toutes plaies et toutes dolours. » Et Nostre Sires leur dist : « Venés avant, troy boin frére, et me jurés sur le cruchefiement Jhesu-Crist et seur le lait de le benoite vierge Marie qui l'ailaita, que vous ne le chelerés ne riens n'en prenderés, don ne loier ne prancesses n'en recerrés, et je le vous aprenderay. » Et il li eurent en convent et Nostres Sires leur dist : « Alés u mont d'Olivet, et prendés heule d'olive et laine de bestes à tout le fin et oignés entour le plaie et puis dites ches paroles : « Aussi vraiement que les V plaies Nostre Segneur Jhesu-Crist sont vraies herbes et vraies medechines à toutes plaies et à toutes doleurs et le plaie que Longis, chevalier ebriex, fist un [c]osté Nostre Segneur Jhesu-Crist, n'enfla, ne drancla pouri, n'escaufa, ne taia nient (sic), plus ne puist faire cheste plaie. Amen. Pater noster »