« Ce livre, intitulé les Serimonies et ordonnances appartenans à gaige de bataille fait par querelle, a esté extraict des registres de la court de Parlement et baillé par feu maistre Guillaume Le Turc, en son vivant president en ladite court, à messire Tristan l'Ermite, chevalier, prevost des marechaulx de France, ainsi qu'il doit, lequel l'a baillé à monsieur de Santrailles, mareschal de France, qui depuis l'a donné au Roy. Et la reste contenue oudit livre commancent : Cy après devise comment et en quantes manieres les princes d'Almaigne sont faiz et creez empereurs, a esté baillé au Roy par Jehan de La Gardete, escuyer, prevost de l'ostel dudict seigneur, qui l'a prins et extraict d'ung livre que luy a donné le mareschal de Savoye, ainsi qu'il dit »